बैशाख - २६, हेटौंडा, मकवानपुर। शिक्षा अब केवल किताबी ज्ञानमा सीमित रहेन। बदलिँदो विश्वबजार र डिजिटल युगको मागलाई आत्मसात गर्दै बागमती विश्वविद्यालय, हेटौंडा क्याम्पसले एकैसाथ ६ वटा 'हाइ-डिमान्ड' शैक्षिक कार्यक्रमहरूको घोषणा गरेको छ। हेटौंडालाई बागमती प्रदेशकै प्रमुख शैक्षिक गन्तव्य बनाउने महाअभियान अन्तर्गत यी कार्यक्रमहरू सार्वजनिक गरिएका हुन्।
किन रोज्ने हेटौंडा क्याम्पसका नयाँ कार्यक्रम?
क्याम्पस प्रमुख डा. देव चन्द्र मानन्धरका अनुसार, यी कार्यक्रमहरू विद्यार्थीलाई 'बेरोजगार स्नातक' बनाउन होइन, बरु 'दक्ष र स्वरोजगार जनशक्ति' बनाउन डिजाइन गरिएका हुन्। "हामीले हेटौंडाका विद्यार्थीलाई काठमाडौं वा विदेश धाउनुपर्ने बाध्यता अन्त्य गर्दै आफ्नै आँगनमा सस्तो र गुणस्तरीय शिक्षा सुनिश्चित गरेका छौँ," मानन्धर ले भनेका छन ।
नयाँ पुस्ताको रोजाइ: 'करियर ओरिएन्टेड' कोर्षहरू
१. BIT & BBA (डिजिटल र बिजनेसको फ्युजन): प्रविधि र व्यवस्थापनमा भविष्य खोज्नेहरूका लागि यो ८ सेमेस्टरको कोर्ष कोसेढुङ्गा सावित हुनेछ।
२. BHM (हस्पिटालिटीमा ग्लोबल करियर): ५ तारे होटलदेखि अन्तर्राष्ट्रिय 'क्रुज शिप' सम्मको यात्रा अब हेटौंडाबाटै सम्भव छ।
३. कानुनी शिक्षा (BALLB र LLB): समाजमा न्याय र कानुनी शासन प्रवर्द्धन गर्न आधुनिक 'मूट कोर्ट' सहितको कानुनी शिक्षा।
४. B.Ed. (आधुनिक शिक्षक): अबको शिक्षक केवल चक-डस्टरमा सीमित हुनुहुँदैन। डिजिटल स्किल र व्यावसायिक सीपसहितको 'डबल मेजर' शिक्षक उत्पादन गर्ने लक्ष्य।
२. BHM (हस्पिटालिटीमा ग्लोबल करियर): ५ तारे होटलदेखि अन्तर्राष्ट्रिय 'क्रुज शिप' सम्मको यात्रा अब हेटौंडाबाटै सम्भव छ।
३. कानुनी शिक्षा (BALLB र LLB): समाजमा न्याय र कानुनी शासन प्रवर्द्धन गर्न आधुनिक 'मूट कोर्ट' सहितको कानुनी शिक्षा।
४. B.Ed. (आधुनिक शिक्षक): अबको शिक्षक केवल चक-डस्टरमा सीमित हुनुहुँदैन। डिजिटल स्किल र व्यावसायिक सीपसहितको 'डबल मेजर' शिक्षक उत्पादन गर्ने लक्ष्य।
सुनौलो अवसर ! शुल्कमा २०% भारी छुट र छात्रवृत्ति
क्याम्पसले यस वर्ष भर्ना हुने 'फाउन्डेसन ब्याच'का लागि विशेष उपहारको रूपमा २० प्रतिशत शुल्क मिनाहा गरेको छ। साथै, जेहेन्दार र लक्षित वर्गका विद्यार्थीका लागि १० प्रतिशत सिटमा पूर्ण छात्रवृत्तिको व्यवस्था गरिएको छ।
यस्तो छ ,आकर्षक शुल्क विवरण (२०% छुट पछिको विशेष दर):
| कार्यक्रम | अवधि | प्रति सेमेस्टर/वर्ष शुल्क | जम्मा लगानी |
|---|---|---|---|
| B.Ed. | ८ सेमेस्टर | रु. २५,००० | रु. २,००,००० |
| BBA / BIT | ८ सेमेस्टर | रु. ३२,००० | रु. २,५६,००० |
| BALLB | १० सेमेस्टर | रु. ३६,००० | रु. ३,६०,००० |
| BHM | ८ सेमेस्टर | रु. ४४,००० | रु. ३,५२,००० |
| LLB | ३ वर्ष | रु. ४०,००० (वार्षिक) | रु. १,२०,००० |
स्थानीय स्तरमै गुणस्तरीय शिक्षा, प्रयोगात्मक सीप र किफायती शुल्कको त्रिवेणी बनेको हेटौंडा क्याम्पस अब मकवानपुरको मात्र नभई देशकै गौरवको केन्द्र बन्ने तरखरमा छ। आफ्नो भविष्यलाई विश्वबजारसँग जोड्न चाहने विद्यार्थीका लागि यो एक सुनौलो अवसर हो।
