कक्षा ११ मा नयाँ भर्ना भएका विद्यार्थीलाई स्वागत गर्न कक्षा १२ का विद्यार्थीसँग र कक्षा १२ लाई बिदाइ गर्न कक्षा ११ का विद्यार्थीसँग प्रतिव्यक्ति २,५०० देखि ३,००० रुपैयाँसम्म शुल्क उठाउने गरेको पाइएको छ। अचम्मको कुरा त के छ भने, यस्तो शुल्कलाई विद्यालयले 'अनिवार्य' गराएका छन्। "म कार्यक्रममा सहभागी हुन्न, पैसा तिर्दिनँ" भन्न पाउने छुट विद्यार्थीलाई छैन। विद्यालयले यसलाई विद्यालयको नियम र अनुशासनसँग जोडेर अनिवार्य असुली गरिरहेका छन्। तथ्याङ्कलाई हेर्ने हो भने यो सामान्य संकलन मात्र नभई ठुलो आर्थिक चलखेल देखिन्छ। उदाहरणका लागि, एक हजार विद्यार्थी भएको विद्यालयले ३,००० का दरले पैसा उठाउँदा एकैपटक ३० लाख रुपैयाँ संकलन हुन्छ।